Praktisch.jpg
Nieuws
Nieuws afbeelding

Letste kans! Opgaeve optocht 2017

8 november 2016
Wet-se,
weej môtte bekinne det de Hockeyclub de letste jaore neet in de kiéker stônd tiédes de groéte Bliërickse optoch. Dao hebbe weej ôs ens good euver gebuig en beslaote dao wet aan te gaon daon. Weej zôchte en vônde vers blood veur in ôs geleedere. Det brach weer nieje schwung en ideeë. Nôw zeen we ‘t weer gans zitte um op 26 fibberwarie te kinne schittere tiédes de vastelaovesoptoch.

Um te beginne: weej hebbe ein fantasties idee. (Taege neemus zegge, pssss: maar ‘t haet te make met ‘t nieje waterveld.) De ôntwerpe staon in de steigers en schitterende/beejpassende stôffe zien oétgezôg, oftewel: weej zien d’r klaor veur.
Weej begriëpe wal det weej pas kinne schittere as de ganse Hockeyclub as eine
groep meiduit. Dus doon mei en geef dich op, uúterlik kômmende zôndaag of nog baeter: nôw(!): [email protected] !
Veur miér informasie: kiék heejônder.


ALAAF!
De optochkemissie

P.S.: hebse nog noëijts meigeloupe in de Bliërickse optoch en wetse neet of det iets veur dich is? Dan rooij ik dich aan um det gewoén ens te probeere, dan pas wet-se was dich al jaore hebs gemis. Nog vraoge: bel gerös effe nao Marleen (077-3872715) of Froukje (077-3871181) of Leo Fransman (077-3826746).

Agenda

Teamselector

Uitslagen