Praktisch.jpg
Nieuws
Nieuws afbeelding

Aanmelde Bliërickse Optoch

22 september 2014

Daag Leef Luuj!!

Aafgeloupe vastelaovend leep de Hokkieklup weer met eine groëte groep mei in de Bliërickse optoch. We ware as "motorbende” via Route 66 op waeg nao ut fees van de Wortelepin die 66 jaor bestaon. Met van hokkiesticks gemakde motore en ôs landkaarte krege we eine houp leuke reacties van de minse naeve de kant!

Loup geej op 15 fibberwarie 2015 ouk mei?!

Eederein dae lid is van ôs hokkieklup meug meidoon met de groep van de Hokkieklup in de Groëte Bliërickse Optoch. Ouk femilieleeje die zelluf gen lid zien meuge meidoon!

Ut motto in 2015 is "Kiëk ens heej”, en weej as kemissie hebbe alweer eine houp planne um de luuj naeve de route te ammezeere!

Geej kint ôch beej Marleen Heuvelmans aanmelde um mei te loupe met de groep van HCB, steur dan ein mailtje nao [email protected].
De kóste zien veur:
* Persoëne vanaaf maot 152 en groëter: € 35,--
* Minse met ein maot tot en met 146: € 20,--
De meugs dit geld kontant aan Marleen gaeve (Willem de Zwijgerstraot 117) of (beej veurkeur) euvermake op 153867159 tnv Heuvelmans en daobeej diene naam en veurnaam en "aanmelding optoch 2015” vermelde.
Ge kint og wies uúterlik maondaag 3 november aanmelde.

  • Weej halde auk dit jaor weer inlaupaovende waobeej geej hölp kint kriége beej ut make van ôch pekske! 
  • Tiejes die inloupaovende knutsele we de attribute inein (beejveurbeeld einen hood of pruúk).
  • Weej halde ôs aan ein maximum aantal inschrievinge van 60.
  • Weej hebbe gaer det kinder ônder de tièn (10) jaor ônder superviezie van eine volwassene meilaupe.

ALAAF!
De optochkemissie

Agenda

Teamselector

Uitslagen